Þrjár systur

find fem fejl...

2011-05-25T12:01:00.006Z

ahahaha!! smávegis utan við mig! það var víst alveg kominn tími á að fá sér kaffi... ;)

5 mín síðar. Galdrar?!!

mmmmm... rúgbrauð með rjóma á... næstum ;-P

2011-05-25T07:14:00.001Z

kalkun lasagne med spinat... mmm

2011-05-23T18:29:00.003Z

Hvað fenguð þið í kvöldmatinn stelpur?? (myndir takk :p)

Þá kveð ég klakan í bili...

2011-02-18T09:41:00.001Z

Forsjónin

2011-01-30T21:31:00.004Z

- er furðulegt fyrirbæri.

Gestur langafi minn á Hæli virtist þó vita hvar hann hafði hana og orti:

Forsjónin gaf mér fríða konu,

forsónin gaf mér vakran hest.

Forsjónin einnig færð´mér sonu,

forsjónin lét mig heita Gest.

Forsjónin hverjum færir sitt.

Forsjónin lét mig búa á titt.

Já forsjónin hverjum færir sitt... Hún færði mér alla vega nýtt hjól - og gamla hjólið aftur!!!

WHAT UP!!!

2011-01-05T20:29:00.004Z

Kókó

2010-12-08T16:08:00.001Z

Annað hvort í hæl eða hnakka...

2010-11-13T18:23:00.003Z

Afrekaði það í gær að kaupa tvo kjóla... alveg satt

(Vil taka það fram að það er 100% aukning á kjólaeign minni)

Dagsverkið

2010-11-11T02:33:00.002Z

Daylight saving

2010-11-07T16:06:00.002Z

In the fall we fall back, in the spring we spring ahead.

Þetta lærði ég í gær. Þetta er gott að muna á degi eins og í dag. Ég nefnilega græddi heilan klukkutíma bara við það að fara að sofa í gær :)

Á haustin fer klukkan aftur á bak, en á vorum færist hún fram. Sniðugt, ekki satt?

Niðurstöður margra mælinga:

2010-11-04T12:24:00.003Z

Það tekur jafn langan tíma að hlusta á morgunfréttir Ríkisútvarpsins og að borða eina skál af Cheerios.

Halloween

2010-10-31T18:27:00.000Z

Getur einhver giskað hver við erum??

Skrifstofan mín

2010-10-16T14:38:00.002Z

Snælda

2010-10-09T18:26:00.010Z

Fékk að sofa inni í nótt

:o)

Mamma og Snælda

Líkar nýju heimkynin bara nokkuð vel held ég

Svo södd og löt og þreytt...

En klukkan sex í morgunn var hún sko glaðvakandi!

2010-10-08T21:02:00.002Z

Ég held að það sem skilgreinir góðan kennara er gott skipulag í öllu sem hann gerir. Ég legg mig fram við að vera skipulögð, það getur stundum verið erfitt...

Milli svefns og vöku

2010-10-07T09:36:00.002Z

ég sit á svörtum, háum , hörðum stól, í herberginu er alltof skært ljós. Hakan liggur á köldum standinum og enninu þrýst upp að reiminni. "Helga, Helga! þú verður að opna augun!" segir augnlæknirinn og skilur ekkert í því að ég klemmi augun aftur. "Ég get ekki skoðað augun nema þú opnir þau!" en sama hvað ég reyni þá eru augnlokin bara alltof þung.

Vekjaraklukkan hringir í þriðja sinn. Klukkan orðin 10 mín yfir sjö - ja, nú verð ég bara að fara á fætur sama hvað tautar. Spurning um að fara fyrr að sofa í kvöld svo að maður geti haldið augunum opnum ef maður skildi lenda hjá augnlækni í nótt;o)

2010-09-30T22:10:00.003Z

Þegar maður stendur í sínu mesta sakleysi og hrærir í potti um leið og fjörugur lagstúfur er flautaður, býst maður ekki beint við því að það komi fugl og fljúgi fram hjá manni! Hvernig komst hann inn???

Ég held ég verði að fá Harry og Heimi í málið...

2010-09-23T00:27:00.001Z

Það er eitthvað kósý við þrumuveður.

(efað maður sé inni...)

2010-09-21T21:12:00.001Z

Selfoss og Princeton eru um margt líkir bæir. Það er til að mynda bara ein aðalgata og hún er LÖNG.

Að vera utan við sig

2010-09-20T20:27:00.002Z

Ef maður fattar ekki fyrr en hendurnar eru rennandi blautar að maður hafi verið að ausa súpunni á venjulegan grunnan matardisk, þarf að fara gá hvort buxunum hafi verið snúið rétt þegar farið var í þær í morgunn....

Jæja....

2010-09-18T18:09:00.002Z

Þá eru systurnar farnar af landi brott ég farin og komin af fjallinu, réttirnar búina, kindurnar komnar heim, mamma búin að skreppa til Danmerkur og kvígurnar hans pabba bera eins og þær fái borgað fyrir það...

Annars voða fátt að frétta...

P.S. Gormabækur eru stórhættulegar

Bless í bili Danmörk!!

2010-06-24T21:28:00.003Z

Þú verður að læra að hugsa eins og kind!!!

2010-06-09T12:11:00.001Z

Er ég eitthvað kindarleg? Nei eins og kind hehe

Oj bara aska.... og Glíma litla :o)

2010-06-01T11:25:00.005Z

Tekið morguninn eftir öskufall út um gluggan

Lilta mús :-P

2010-05-22T22:43:00.000Z

Setti persónulegt met í vikunni sem er að líða... Prjónaði eitt vettlingapar :)

Six flags

2010-05-17T14:10:00.008Z

Á laugardaginn var fórum við Geir, Valla og Jón Emil í skemmtigarð sem heitir Six flags. Þetta var mjög skemmtileg ferð :) Þegar ég lagðist í rúmið um kvöldið og lokaði augunum var ég ennþá í rússíbana sem fór með mig upp og niður og í marga hringi!!

Valla og Geir
Dóra og Jón Emil
Geir og Jón Emil á leið í hæsta og hraðasta rússíbana í heimi!
Ringlaðir og með blásið hár eftir ferðina!
Fengum okkur pizzur áður en farið var í fleiri rússíbana :)
Öll fjögur, sátt og glöð eftir skemmtilega ferð

Við erum svo miklar dúllur :o)

2010-05-10T12:12:00.002Z

Sólbað

2010-05-06T19:12:00.002Z

Ég fór í mjög skipulagt sólbað, það lá við að vera vísindalegt... Ég lá í nákvæmlega 30 mín á maganum og í nákvæmlega 30 mín á bakinu. Af hverju er ég þá núna rauðari á maganum heldur en á bakinu?

9 í stáli :)

2010-05-05T15:46:00.002Z

Eftir töluverða bið eftir einkunn úr kúrsi sem ég tók síðastliðið haust liggja niðurstöðurnar nú fyrir. Meðfylgjandi mynd sýnir dreifingu einkunna, já, ég er með lægstu einkunnina...

ZzZzZz

2010-05-02T17:25:00.004Z

Rúmið sem ég keypti og fékk tilsent frá IKEA kom í gær. Við tvær röskar ungar konur töldum það nú lítið mál að tjasla einu stk. rúmi saman. Við nánari athugun kom í ljós að það var hægara sagt en gert. Eftir dálitla leit að leiðbeiningunum komumst við að því að það voru 42 skref og 258 skrúfur!!!

Line í öngum sínum yfir öllum skrúfunum... því engin var borvélin...

Eftir mikið púl tókst það samt!! og já mamma ég er sofandi, athugaðu bara augun ;o)

Held þetta sé svona trikk hjá IKEA, ef það er mjög erfitt að setja rúmið saman þá sefur maður alveg svakalega vel næstu nætur ;o)

Eitt er víst að ég mun ekki telja sauðfé á næstunni - þurfi ég að telja eitthvað þá tel ég skrúfur ;o)

thi fra min Stol ved Vindvet her...

2010-04-25T10:13:00.003Z

i nabogården jeg jo ser,

at foråret er kommet:)

Vor í lofti

2010-04-20T01:14:00.003Z

Ég fékk skemmtilegan tölvupóst í dag. Sauðburður er hafinn á Hæli. Þrílembingar, þrír litlir smákóngar :) Pabbi náði mynd af krílunum og sendi fréttirnar strax yfir hafið.

Já, vorið er komið á Hæli.

Eldgos

2010-04-14T00:35:00.002Z

Eldgosið á Fimmvörðuhálsi virðist hafa bjargað sálartetrum landsmanna. Allt í einu voru spennandi fréttir í fréttatímanum og fallegar myndir. Leiðindafréttir sem innihalda tölur og alls konar útreikninga eða þá flækju eignarhalds íslenskra fyrirtækja fengu að víkja um stund. En svo virðist sem eldgosið hafi mætt ofjarli sínum: Skýrslunni um bankahrunið. Það ákvað því bara að hætta, það taldi sig sigrað.

Af músum...

2010-04-12T21:23:00.002Z

Þessar mýs eru allstaðar!!! Ef þær eru ekki hlaupandi um étandi mélið eða nagandi göt á hitt og þetta fljóta þær dauðar um í mjólkurfötunum og villa um fyrir manni þannig maður tekur í þær haldandi það að þær séu skítaköggull, bregður svo mikið að maður skrækir upp fyrir sig. En ekki nóg með það ef þær eru ekki lifandi eða dauðar í kringum mann er maður að spila um þær... Myopic mice...

NYC

2010-04-09T14:48:00.004Z

Ég minnist þess einu sinni að hafa farið í keppni (ég held við Helgu) um það hvernig maður stafsetur New York City. Það er sko ekkert grín. Nú er ég búin að læra það og á laugardaginn var fórum við Jón Emil og Doug þangað til þess að skoða okkur um. Hér fylgja nokkrar myndir úr ferðinni sem var í alla staði vel heppnuð. Við löbbuðum yfir Brooklyn Bridge, það er mikil upplifun (kannski sérstaklega af því að ég er svo mikið byggingarverkfræðinörd). Svo skoðuðum við okkur um í Kínahverfinu og loks tókum við þátt í mörg þúsund manna koddaslag á Union Square.

GLÁS!

2010-04-04T16:51:00.002Z

Fannst þetta besta styttingin á "Gleðilega páska" Það er að segja ef það ástæða til þess að gera styttingu... En þetta orð á svo sem ágætilega við líka þar sem maður vill nú hafa glás af páskaeggjum og súkkulaði :-)

...Akrafjall og Skarðsheiði eins og fjólubláir draumar...

2010-03-31T11:13:00.001Z

Mig langar að vita hvernig fjólubláir draumar eru...

Skemmtilegt atvik á mánudegi

2010-03-22T20:43:00.003Z

Í dag er rigning. En það er allt í lagi því að hún er hlý og krullar á mér hárið.

Ég fór í tíma í dag, sem væri kannski í frásögur færandi nema fyrir eitt mjög skemmtlegt atvik. Prófessorinn var að tala þegar allt í einu byrjar þessi mikla tónlist aftarlega í salnum. Fyrst hélt að þetta væri sími en þegar ég sneri mér við í sætinu sá ég strák í bardaga við tölvuna sína. Hún virtist hafa yfirtökin því tónlistin hljómaði frá henni um allan salinn. Að lokum skellti hann henni aftur, hristi hana og hljóp út. Ómur tónlistarinnar heyrðist utan af gangi og allur salurinn sprakk úr hlátri, meira segja bros færðist fram á varir prófessorsins.

Síðan hélt kennslan áfram eins og ekkert hefði í skorist.

Góð byrjun á degi...

2010-03-19T12:47:00.002Z

1) Horfa út um gluggann og sjá að sólin skín
2) Fara út í garð og leika við hundinn í döggvuðu grasinu
3) Hlusta á fuglana

Og tvívetnisoxíðið streymir niður af himnum ofan...

2010-03-17T17:18:00.002Z

Jeg er et flyvene regnsky

som ikk' kan li' honning,

nej slet ikke nej...

Dinky

2010-03-16T21:23:00.002Z

Það er svo margt í heiminum sem ég skil ekki. Til dæmis á ég mjög erfitt með að átta mig á einu hérna í Ameríkunni. Þannig er mál með vexti að á milli Lawrence, þar sem við búum og Campus eru lestarteinar og vegurinn liggur yfir teinanna. Þess vegna hefur verið sett upp svona slá sem fer niður þegar lestin fer fram hjá svo að ekki verði áresktur bíla og lestar. Þetta er allt gott og blessað og ég hef mjög gaman af að sjá lestina koma. Hún heitir "The Dinky" og er aðeins tveir vagnar. Tilgangur hennar er að flytja nemendur frá aðallestarstöð Princeton bæjar inn á Princeton Campus.

En að því sem ég skil ekki: Af hverju stoppa skólabílstjórarnir alltaf við lestarteinana, opna dyrnar og líta vel til beggja hliða áður en þeir keyra yfir? Af hverju mega þeir ekki bara treysta því að sláin detti niður, rauðu ljósin fari að blikka og bjöllurnar að klingja? Einhver sagði mér að þetta væri bundið í lög, hmm... skrítið.

Annars skín sólin í dag eftir alla rigninguna, það koma víst alltaf skin á milli skúra :)

Rafmagn

2010-03-15T01:22:00.003Z

Í gær sat ég við kertaljós og las mér til um rafmagnsljós. Ég var að lesa um meðal annars merka spaða eins og Edison og Tesla. Mér þótti það hálf kaldhæðnislegt að sitja í rafmagnslausu húsi án ljóss og hita og fræðast um þetta merka fyrirbæri. En svona er þetta stundum. Nú er rafmagnið komið aftur, hiti að færast í íbúðina þó ég sé ennþá í góðu ullarsokkunum, ullarpilsinu og ullarpeysunni ;)

Mér þótti merkilegt að sjá alla eyðilegginguna sem veðrið sem fór hér yfir í fyrrinótt olli, rafmagnslínur liggja sem hráviði út um allt (Kaninn setur ekki rafmagnið í jörð). Fallin tré dingla í hálfföllnum köplum, niðurföll yfirfull, umferðarteppur og lokaðar götur. Það sem mér þótti samt merkilegast er að veðrið var ekkert svo brjálað, það var jú hressilegt rok og mikil rigning en samt hefði ég haldið að það þyrfti meira til að valda svona mikilli eyðileggingu.

Ég er alla vega sátt að vera aftur komin með rafmagn, get hitað mér te og skrifað þessa færslu.

Lifið heil.

Skemmtileg upplifun

2010-03-09T16:03:00.004Z

Um daginn fórum við Jón Emil út að borða með nokkrum félögum. Á leið okkar í gegnum campus eftir góða máltíð urðum við vitni að mjög skemmtilegum sið. Nokkrir strákar, kannski tylft, höfðu safnast saman í hvelfingu líkri þeim sem eru á myndunum. Þeir röðuðu sér í hring og sungu a capella og það var virkilega fallegt. Hljómurinn í hvelfingunni var svo skemmtilegur og hugmyndin góð. Þessar hvelfingar eru víða um campus.

Nýja íbúðin

2010-03-08T02:41:00.001Z

Í fréttum er þetta helst :)

Super Mario Bros!

2010-03-06T18:13:00.002Z

Búmm, búmm, snap, snap, klapp- Maríjaríjó, maríjaríjó!

úps...

2010-03-01T22:39:00.006Z

Galli, sem vetrarfrí eiga að það til að hafa í för með sér, er að maður getur verið aðeins of duglegur að baka... annars er þetta kannski bara svolítið lítil skál...

Ég hef stundað útreikninga upp á síðkastið. Ef ég myndi birta því sem nemur einni bloggfærslu á viku er ég nú á góðri leið með að vinna mér í haginn þangað til ég fer næst í frí uppúr miðjum mars. Hvað er ég svo að tala um að það sé mikið að gera... alltaf í fríi ;)

Bestu kveðjur Helga mäleren ;p

Ikast - fødselsdag - Brønshøj - lejlighed

2010-02-28T20:16:00.010Z

Fødselsdagsbarnet, gæsterne og det fine pyntede bord!

Jeg bagte lagkage og snakkede fransk med Martine :D Hyggeligt!!

Hvis jeg havde et badekar og en hest ville jeg helt klart gemme hesten i badekaret, du må nøjes med dette billede mor, af min franske ballerinabamse Dido i håndvasken...

Vi har nu fået spisebord i køkkenet = lykke og glæde :D

kv. Helga málari (frekari upplýsingar; billedet er taget under renoveringen, før spisebordet kom op;p)

Hejsan alle mine svenska vännerne!!

2010-02-26T15:47:00.003Z

Jæja þá er komið að því. Eftir nokkra mánaða dvala (nánar tiltekið 83 daga) hef ég ákveðið að skríða aftur upp á yfirborðið og inn í bloggheiminn...

Í fréttum er þetta helst:

Ég hef nú fluttst búferlum og má finna merki þess í yfirskrift þessa bloggs. Ég er þó ekki flutt yfir sundið ef það skildi hvarfla að einhverjum lesendanum heldur bý ég nú í götu nokkurri er ber nafnið "Svenskelejren" ásamt vinkonu minni úr skólanum. Höfum við nú skírt íbúðina Villa Villakúla og fengið nöfnum okkar breytt sem hér segir; Line Rullegardinia Krusemynta Långstrump annars vegar og Helga Pippilotta Viktualia Efraimsdotter hins vegar. Við eigum nú fullt í fang með að laga okkur að aðstæðunum - þar með talið þriggja tíma sænsku námskeið tvisvar í viku ;)
Við þennan undikafla minn um sænska tungu má bæta við að fyrirlesari okkar þessa dagana er einmitt frá því gamla fría landi. Held að ég hafi verið eina manneskjan í salnum sem hafði lúmskt gaman af tali hans um "programmet" og "hvort tetta væri partur af programmet" ;)

Í kóngsins köben hefur nú legið snjór frá því... þetta eru víst ekki nýjar fréttir en ég verð endilega að fara að setja inn myndir af herlegheitunum. Nú spái ég því hins vegar að vorið sé á leiðinni. Þó að skaflar séu enn utan í hverju húsi fann ég vorlykt í loftinu áðan, það er komin þýða og fuglarnir farnir að syngja svo er mánuðurinn minn handann við hornið...

Kveðja Helga málari ;P (myndir fylgja)

Í kvöld...

2010-02-23T23:00:00.004Z

...ætla ég að fara út að borða með vinum mínum. Fara síðan heim og slá öllu upp í kæruleysi. Samt er bara þriðjudagur. Dagurinn þar sem ég komst inn í Princeton.

Bollumynd

2010-02-21T22:33:00.004Z

Jæja, betra er seint en aldrei segir máltækið... Ég var víst búin að lofa að setja inn svona eina bolludagsmynd.

Annars er bara allt gott að frétta. Við fórum til New York um daginn til þess að kjósa. Við komum líka við í norræna húsinu, það var mjög gaman. Skoðuðum norrænt nammi á okurverði og norskar lopapeysur.

Hressir Íslendingar með atkvæðin sín í Icesavemálinu fyrir framan norræna húsið á Manhattan.

Bolludagur :-)

2010-02-16T02:35:00.003Z

Við Jón Emil bökuðum fullt af bollum í gærkvöldi og þær tókust svona ljómandi vel. Við tókum svo með bollurnar, krem, sultu og rjóma með okkur upp í skóla í dag. Þar sögðum við Könunum frá Bolludeginum og gáfum þeim bollur. Það var mjög gaman. Við tókum líka nokkrar myndir af bolluátinu en við gleymdum vélinni uppi í skóla, þannig að þær verða bara að fá að koma seinna.

Yfir og út.

Snjór í Princeton

2010-02-12T03:08:00.005Z

Í gær snjóaði allan daginn og þá á ég við ALLAN daginn. Ég hef aldrei á ævi minni upplifað jafn langvarandi óslitna snjókomu, held ég að ég þori að fullyrða. Í gær var skólanum lokað og kennsla féll niður. Við Jón Emil fórum í göngutúr, það var mjög fallegt að labba um campus og horfa á öll snæviþöktu trén og byggingarnar. Fyrstu tvær myndirnar eru teknar í gær fyrir framan aðalbygginguna í Princeton.

Í dag var svo virkilega fallegt veður, hitastigið rétt ofan við frostmarkið, sólskin og blíða. Ég stóðst ekki mátið og tók nokkrar myndir hérna heima við húsið sem við búum í. Á milli húsanna höfðu nokkrir sprækir tekið sig til og búið til risa snjókall og Jón Dýri var á ferðinni að hreinsa til enda ekki vanþörf á, en myndir segja meira en mörg orð. (P.s. við búum í nr. 12)

Í söguprófi

2010-02-10T17:17:00.001Z

Gaur fyrir aftan mig

"Heyrðu nenniru að skrifa aðeins skýrar!"

Pistill

2010-01-24T02:27:00.002Z

Eins og glöggir lesendur þessarar síðu hafa kannski tekið eftir eru öll "comment" farin af síðunni og ekki mögulegt að koma með athugasemdir við færslur. Þetta kemur til vegna þess að síðan sem hélt úti athugasemdunum er að breyta til og vill að við förum að borga fyrir afnot af kerfinu þeirra. Ég er að vinna í því að laga þetta þannig að hægt verði að setja inn athugasemdir fljótlega.

Annars er allt gott að frétta hérna megin hafs. Ég held að veðurguðirnir hér hafi litið eitthvað skakkt á almanakið sitt, veðrið er svo milt. Ég næstu viku reikna ég með að hreiðra um mig á arkitektabókasafninu, þar eru margar góðar bækur og margt skemmtilegt að lesa. Þar er líka stór og fallegur gluggi sem leyfir sólinni að skína á mig á meðan ég les :-) Í fyrstu vikunni í febrúar byrjar vorönnin, þá ætla ég að reyna að sækja nokkra kúrsa hér, bæði í verkfræðideildinni og arkitektadeildinni.

Vona að þið hafið það gott,
knús frá Dóru

Heyrt í lífefnafræðitíma

2010-01-11T20:32:00.001Z

Á þetta við um kolefni...

2009-12-22T22:16:00.001Z

Jólin koma, jólin koma...

2009-12-20T14:12:00.001Z

Það er gaman að vera í móttökunefndinni :-)

Maðurinn með lausu nöglina sagði...

2009-12-18T22:16:00.002Z

"Hmm það er farið að heyrast svona eins og þegar flísar losna frá gólfinu" og slær nöglinni í borðbrúina

2009-12-18T12:09:00.001Z

Þrýstingur er merkilegt hugtak.

2009-12-13T21:17:00.000Z

ding, ding, ding, ding... úúuúúúúúúú... Snjókorn falla á allt og alla..... eða kannski rignir öllu heldur á allt og alla....

2009-12-09T23:54:00.001Z

Það er svo yndislegt að eiga góða vini.

Eru ekki að koma jól?

2009-12-08T21:00:00.001Z

Feje, feje, skrubbe, skrubbe, pusse, pusse, gnubbe, gnubbe.... nu er det vasketid

Og niðurstaðan er þessi:

2009-12-06T13:10:00.002Z

Annars bara allt gott að frétta. Komin til Íslands heim í sveitasæluna með góðu íslensku hitaveitunni.

Toppið þetta!

2009-11-29T22:27:00.002Z

Ég tek hér með áskorun Helgu og set forláta mynd af íslenska aðventukransinum. Eins og sjá má er baðkerið í bakgrunni. Hér er sko aðventukrans á hverju klóseti geri aðrir menn betur!

Adventshygge på Fortunparken

2009-11-29T15:06:00.002Z

Sissel Kirkjebø á fóninn, æbleskiver i maven og jólastemmningin er að nálgast húsið! (sem sagt ekki alveg komin í hús;p)
ATH. svona er okkar aðventukrans :) skora á Jóhönnu að setja inn mynd af íslenska aðventkransinum ;)

C'est tout!

2009-11-28T21:19:00.000Z

Er hætt að hugsa í dag...

Jóla, jóla

2009-11-28T19:14:00.003Z

Ég bjó til aðventukrans og smá jólaskraut :-)

Thanksgiving og black friday

2009-11-27T23:04:00.002Z

Í gær var þakkargjörðarhátíðin hér vestan hafs. Okkur Jóni Emil var boðið til veislu hjá nokkrum félögum sem leigja saman húsnæði. Þegar við komum um þrjúleytið ilmaði húsið af alls konar góðgæti. 10 kg kalkúnn var kominn í ofninn og allt á fullu í eldhúsinu. Okkur var boðið til stofu ásamt fleiri gestum og þar spjölluðum við og horfðum á amerískan fótbolta. Ég lærði meira segja grunnreglurnar í þeirri flóknu íþrótt... veit samt ekki hvort að ég man þær í dag :-) Mjög skrítin íþrótt... "Hey! Þarna er gaurinn með boltann, hlaupum á hann!!" virðist vera aðalmálið!

Um sjöleytið var maturinn settur á borðið. Hann var virkilega ljúffengur, alls konar meðlæti, meðal annars tvenns konar kartöflumús (annars vegar "venjulegar" kartöflur og hins vegar sætar), sósa og sulta og svo auðvitað kalkúnninn. Við borðuðum öll yfir okkur, ultum upp í sófa og horfðum á meiri fótbolta. Svo fórum við heim að sofa...

... en klukkan hálf fjögur hringdi vekjaraklukkan, og já, það var viljandi! Í dag er nefnilega það sem Kaninn kallar "Black friday". Þá opna flestar verslanir mjög snemma og það eru miklar útsölur. Þetta er eiginlega byrjunin á jólainnkaupum heimamanna. Við urðum auðvitað að upplifa þetta fyrirbæri og því fórum við Geir, Valla og Jón Emil á útsölur klukkan fjögur í morgun! Mjög steikt. Klukkan fimm leit verslunarmiðstöðin sem við heimsóttum út eins og Kringlan klukkan 3 um eftirmiðdaginn rétt fyrir jól. Fólk út um allt og allir að næla sér í góð tilboð. Við fundum t.d. fína skó á mig, kodda, gallabuxur á Jón Emil og fleira og fleira...

Um áttaleytið vorum við komin heim aftur og þá lögðum við okkur! Núna sit ég uppi í skóla og er að reyna að vinna verkefni, dagurinn er samt búinn að vera svo skrítinn að ég veit varla hvort ég er að koma eða fara. Ég sé samt ekki eftir þessu, það er gaman að skoða skrítna siði og hefðir.

Hlakka til að koma heim á þriðjudaginn.

Góður kvöldmatur

2009-11-26T03:10:00.000Z

Ég eldaði alveg ofsalega gott Bobotie í kvöld. Mmmmm....

Af klósetum og sjálfsvorkun

2009-11-22T11:53:00.002Z

Það er búið að loka mig inni...
Allstaðar er búið að hengja upp plast til að varna því að fljúgandi ryk þyrlist út um allt!
En það þýðir að ég þarf að fara krókaleið inn og út úr herberginu mínu... aumingja ég ;-)
Svo á að fara stela einkaklósetinu mínu af mér... aumingja ég ;-)
Ég þarf alltaf að fara niður í kjallara... aumingja ég ;-)
... með sjálfsvorkunarkennd á háu plani... aumingja ég... ;-)

2009-11-20T14:12:00.001Z

Þessi dagur lofar góðu. Sólin skín inn um gluggann minn og ég hef nóg af skemmtilegum verkefnum til að glíma við :-) Í kvöld ætlum við út að borða.

Pönnsur!

2009-11-17T16:13:00.003Z

Mér finnst mjög fullordinslegt ad fara á fund.

Ég er ad fara á fund í kvöld, tó ekki sérlega fullordinslegan... Tad er fundur í pönnukökufélaginu tar sem ég er ad sjálfsögdu virkur félagi ;) Tad verda tví bordadar pönnsur í kvöldmatinn! Gerist ekki mikid betra :D Spurning hvada efni verda á dagskrá... hlutfall pönnuköku og sykurs, bökunartími eda áhrif hæd köku í snúningi med tilliti til gæda.

Tekki strák hvers mamma vildi ad hann tæki virkari tátt í heimilisstörfunum. Hann átti tess vegna ad elda kvöldmatinn einu sinni í viku med litlabródur sínum. Teir ákvádu ad hafa pönnukökur tar sem medlætid var snakk í súkkuladisósu. Teir turftu aldrei ad elda aftur... skrítid!

Dagur íslenskrar tungu

2009-11-16T21:59:00.001Z

Ég: Í dag er dagur íslenskrar tungu...
Jón Emil: Cool!

Út frá þessu litla samtali spunnust umræður okkar á milli sem minntu mig á annað stutt samtal:

Miklós: Helga, hættu að tala ensku!
Helga: Ok, sorry.

Þessi er handa pabba

2009-11-11T18:15:00.000Z

ob bob bob

2009-11-08T22:07:00.003Z

hmmm... hef ennþá 52mín til að ná markmiði mínu um eitt blogg á dag þá daga sem eftir voru frísins. Þar sem markmiðið var svo lítið og lágt finnst mér voðalega vandræðalegt að hafa það ekki. Vandamálið er að nú er kominn harða háttatími og skóli á morgun...

49mín og það er kominn mánudagur - telst þetta sem færsla??

dagur 2 - blogg 2

2009-11-07T10:33:00.005Z

Sat á bekk á Rådhuspladsen um daginn og beið eftir vini. Það var hálf hráslagalegt veður, risahitamælirinn beint á móti mér rétt hafði það upp yfir núllið, það var rok, skýjað en ekki rigning og þó? Ég hlýt að hafa setið í hálfgerðu hnipri, alla vega í þungum þönkum og í óða önn við að lesa kosningabæklinga, þegar maður kemur arkandi að mér og sest þétt upp við mig. Ég veit ekki hvaðan á mig stendur veðrið þegar hann fer að hlýja mér um axlirnar en ég lít upp furðulostin og sé skælbrosandi andlit sem segir "koldt i dag, ik?" og svo var hann farinn, ennþá hlæjandi.

Ég sat eftir á bekknum og gat ekki annað en brosað.

um það að blogga

2009-11-06T21:11:00.003Z

Ég er, eins og þeir sem þekkja aðeins til lífs míns vita, búin að vera í fríi síðast liðna viku. Flestir krakkarnir höfðu háleyt markmið og plön fyrir fríið; vinna, foreldra heimsóknir, lærdómur o.s.frv.

Jeg hafði einnig mikilvægum málefnum að sinna. Flest verkefnin hef ég leyst einkar vel af hendi (þó að ég segi sjálf frá;) ). Þar á meðal: sofa, hvíla mig, prjóna, spila, hitta vinina, skypast við hina og þessa og skemmta mér... Þegar þessi miklu afrek eru upp talin verð ég að nefna að eitt hefur setið á haganum. Já, kæru vinir, þrátt fyrir að hafa strengt heit þess eðlis að vera dugleg að blogga í fríinu, hef ég brugðist. Á einhvern ótrúlegan hátt hefur mér tekist að slá heilann alveg frá í þessa fáu daga og mér var það lífsins ómögulegt að koma einhverju hér á blað... (eða segir maður skjá??)

Í próflestrinum sem á undan fríinu fór hafði ég verið að lesa gamlar bloggfærslur þessa blessaða bloggs (ekki spyrja afhverju ég var að því þegar ég átti að vera að lesa um hryggdýr, sumir kalla það "overspringshandlinger" aðrir "leti" og enn aðrir "að tæma hugann"). Eftir að hafa fært allt snyrtilega og skipulega inn í exelskjal, reiknað prósentur og frávik bloggfærslna per systur, komst ég að þeirri niðurstöðu að ég var að standa mig afskaplega illa í fjölda bloggfærslna... (við skulum ekkert ræða gæði ;p hihi grín)

En nú skal verða breyting á! Hef ákveðið að blogga þá frídaga sem eftir er. Það er að segja í dag og á morgun ;) haha!! (hef heyrt að maður eigi að setja sér skammtímamarkmið ef maður er hræddur um að eiga erfitt með að ná þeim!!)

En nú er það háttatími!!
bonne nuit

Hvornår skal vi spise?

2009-11-05T22:33:00.002Z

Kvöldmatartími = x

þar sem

18:00 =< x =< 19:30

Lille sky gik morgentur

2009-11-03T14:01:00.000Z

Lille sky gik morgentur
på den blanke himmel
satte skygge på en mur
så på verdens vrimmel

Kiggede i søens vand
så sin egen mave
så en and der gik i land
midt i kongens have

Kunne ikke holde sig
havde ingen potte
lod det dryppe på en vej
skønt den ikke måtte

Løb med blæsten hjem igen
så et bjerg med sne på
fik en lille smule skænd
og en anden ble på

Halfdan Rasmussen
Knud Vad Thomsen

Stjerne for en dag!

2009-11-01T18:19:00.002Z

Rifjaði þessi orð prestsins sem fermdi Frederikke frænku upp í dag. Fannst þau eiga vel við :-)

2009-11-01T01:22:00.001Z

gúmmíbangsar eru góðir

2009-10-29T19:07:00.001Z

Ég elska þegar sólin skín inn á skrifborðið hjá mér.

2009-10-28T18:24:00.000Z

Byrjaði daginn á því að stíga í poll... dagurinn hefur bara batnað síðan :-)

Yndislegt veður

2009-10-22T20:38:00.002Z

Veðrið er búið að vera yndislegt í dag. Eftir hádegið lagðist ég á handklæði á grasflötina fyrir utan bygginguna sem ég bý í. Þar las ég mér til um stálsúlur og stálbita. Á slaginu hálffimm skyggði nærliggjandi hús á sólina þannig að ég hröklaðist inn. Engu að síður yndislegt :-)

Nördabrandari dagsins!

2009-10-19T23:19:00.002Z

Æi mér er svo kalt á puttunum...
Leystu þá bara smá natríumhýdroxíð upp...

Jarðarberja jógúrt

2009-10-19T13:11:00.002Z

mmm... ég fann jógúrt með sultu í botninum. Fékk algjört nostalgíukast :-)

morgunmatur

2009-10-17T14:41:00.000Z

fékk mér köku í morgunmat, má það?

2009-10-16T18:50:00.001Z

Man skal passe på at tænke ikke for meget, det kan være farligt for dem som ikke er vant til det...

Hér búum við

2009-10-10T22:39:00.005Z

Skrifstofan

Eldhúsið

Borðstofan

Svefnherbergið

Stofan

Baðherbergið

Af sellói og smábörnum

2009-10-07T16:14:00.003Z

Selló og smábörn? Gætuð þið hugsað... hvernig í ósköpunum hangir það saman?? Og í flestum tilvikum væri ég sammála, það fer ekki saman. Hvernig stendur þá á þessari yfirskrift hjá mér? nei þetta er ekki bull, væri samt ekki í fyrsta sinn, og nei það er ekki vegna þess að það stuðlar...

Í gærkvöldi passaði ég lítinn sætan 15 mánaðagamlan snáða með 4 tennur. Í dag fór ég í spilatíma hjá mömmunni fyrir ómakið:) Ekki léleg skipti það :) :)

hress og kát kveðja frá dk ;)

Farmers maket

2009-10-06T17:48:00.002Z

Ég fór á markaðinn í dag. Sólin skein á mig og veðrið var hlýtt og milt. Ég keypti sex fallegar nektarínur og skoðaði alls kyns grænmeti og ávexti.

Ríkið

2009-10-04T14:33:00.001Z

Ég komst að því í gær að þegar maður verslar áfengi í Bandaríkjunum þurfa allir sem eru viðstaddir kaupin að sýna skilríki, ekki bara sá sem kaupir áfengið...

Tónleikar

2009-10-02T14:05:00.002Z

Í gær fórum við Jón Emil á tónleika sem haldnir voru í tónleikasal hér á skólasvæðinu. Á tónleikunum spiluðu banjóleikari, slagverksleikari og kontrabassaleikari. Þetta voru rosalega skemmtilegir tónleikar. Ég skemmti mér konunglega. Bæði voru þetta frábærir listamenn, snillingar á sín hljóðfæri. En þeir voru líka svo hressir, glaðir og skemmtilegir. Þeir gerðu mikið grín og notuðu oft hljóðfærin til þess að búa til alls kyns skemmtileg hljóð. Mér þótti sérstaklega skemmtilegt að fylgjast með bassaleikaranum. Þetta stóra hljóðfæri lék í höndunum á honum og tónarnir sem hann gat framkallað minntu mig helst á miklu minna hljóðfæri, víólu, jafnvel fiðlu.

En núna ætla ég að reyna að halda áfram að kynna mér plastíska hegðun stálbita.

Thyrfti eiginlega ad fara ad blogga...

2009-10-01T13:44:00.001Z

... tad er margt sem ég thyrfti ad gera ;D Best ad halda áfram ad læra!!

Rigning

2009-09-28T21:35:00.003Z

Í Ameríku er hægt að hafa gluggana opna upp á gátt þó að það sé hellirigning. Þá getur maður setið fyrir innan og hlustað.

Viðburðarríkur föstudagur

2009-09-26T15:42:00.002Z

Í gær var haldið grill í eðlisfræðideildinni. Nemendur á öðru ári í framhaldsdeild sáu um grillið, þar á meðal Jón Emil. Þetta var mjög skemmtilegt, frábært veður og gaman njóta góða veðursins meðal skemmtilegs fólks. Að grillinu loknu fórum við að taka til, sem er svo sem ekki í frásögur færandi nema fyrir eitt smá atriði. Ég stóð við hlaðborðið, þar sem í boði hafði verið grænmeti og alls konar sósur. Ég var að tína saman notaðar servíettur og henda dóti í ruslapoka, allt í einu heyri ég aftan frá mér sagt: "ooo ó!" og það næsta sem ég veit er að amerískur fótbolti lendir beint ofan á sósufatinu og eys sósum af öllum gerðum yfir mig alla! Ég var bókstaflega útötuð! Hár, andlit, föt... ekkert slapp. Strákarnir sem voru að leika sér með boltann voru dálítið skömmustulegir, held samt að þeir hafi ekki lært mikið á þessu ;-)

Eftir að hafa farið í sturtu og skolað af mér sósurnar fórum við Jón Emil á skauta með David og Allison. Það var ekkert smá gaman. Það er rosalega langt síðan ég hef farið á skauta og fyrst var ég mjög völt. (Mér liggur við að segja eins og belja á svelli) En mér jókst kjarkur eftir því sem leið á og skemmti mér konunglega. Vonandi gefum við okkur tíma til að fara aftur á skauta fljótlega.

Fyrirlestrar

2009-09-24T01:48:00.003Z

Ég er búin að skoða kúrsaúrvalið við byggingarverkfræðideildina hér í Princeton. Langaði til þess að gá hvort ég gæti ekki smyglað mér inn í einhvern fyrirlestur, lært eitthvað skemmtilegt og nýtt eða rifjað upp eitthvað gamalt og gott.

Á mánudaginn mætti ég í tíma sem kallaður er Random vibrations. Kúrs sem fjallar um jarðskjálfta, vindálag, sjó og öldur. Mér þótti það spennandi og afréð því að mæta. Þegar ég mæti á staðinn er aðeins einn nemandi mættur, það reyndist síðan vera eini nemandinn sem skráður var í kúrsinn. Kennarinn var mjög þægilegur eldri maður. Því miður verður kúrsinn ekki kenndur vegna lítillar skráningar, það hefði verið gaman að hlusta á þennan mann.

Í gær fór ég svo í tíma í greiningu burðarvirkja. Þar hitti ég aftur vin minn frá því á mánudaginn. Þetta var mjög skemmtilegur tími. Frábær kennari í alla staði, ég ætla að fara aftur í tíma til hans á morgun.

Í dag kynntist ég gömlum manni. Við vorum bæði að bíða eftir strætó þegar hann gaf sig á tal við mig. Hann var mjög viðkunnanlegur. Sagðist vera nýkominn af fyrirlestri hjá eldriborgarafélaginu. Princeton háskóli heldur úti fyrirlestraröð, þ.e. einn fyrirlestur í viku allt skólaárið fyrir eldriborgara. Mér finnst það mjög góð hugmynd. Við spjölluðum heilmikið saman, fyrst á strætóstöðinni og síðan í strætó. Það er alltaf gaman að kynnast vinalegu fólki.

Fylltist eldmóði í dag!

2009-09-22T21:07:00.002Z

Kom heim og nennti gjörsamlega engu. Áður en ég vissi af var ég búin að umturna herberginu og ekkert húsgagn er nú nákvæmlega þar sem það var áður... en núna er bókmenntaritgerð málið!!!

Dóttir gæfunnar hér kem ég....hehe

bonne nuit

Komin til Ameríku

2009-09-18T18:43:00.003Z

Nú er ég búin að sofa tvær nætur hér í Princeton. Ferðin hingað gekk vonum framar. Við hliðina á mér í flugvélinni sat færeysk fjölskylda. Pabbinn var duglegur að hafa ofan af fyrir yngsta syni sínum og söng fyrir hann færeyskar rímur aftur og aftur. Mjög fróðleg landkynning það!

Í dag fór ég í göngutúr út í banka og stofnaði bankareikning. Veðrið er alveg yndislegt, sólin skín og ég labba bara um á peysunni. Það er ágætis framlenging á íslenska sumrinu.

Ég læt þetta duga í bili, lifið heil.

Góða ferð Dóra!!

2009-09-16T07:57:00.003Z